దేశీయ విమానయాన సంస్థ ఇండిగో ‘సమ్మర్‌ స్పెషల్‌ సేల్‌’ ఆఫర్‌ను ప్రకటించింది. దేశీయంగా నడిచే ఇండిగో విమానాల్లో ప్రయాణించే వారికి ఈ ఆఫర్‌ వర్తిస్తుంది. ప్రారంభ ధర రూ.899లకే టికెట్‌ పొందవచ్చు. మే 8 నుంచి మే 10వ తేదీ వరకూ ఎంపిక చేసిన మార్గాల్లో టికెట్లు బుక్‌చేసుకోవచ్చని ఇండిగో తెలిపింది. ముంబయి-గోవా, అహ్మదాబాద్‌- ముంబయి, చెన్నై-పోర్ట్‌ బ్లెయిర్‌, గువహటి- హైదరాబాద్‌, ముంబయి-గువహటి, జమ్మూ-అమృత్‌సర్‌, దిల్లీ-ఉదయ్‌పూర్‌, కోల్‌కతా-అగర్తలా తదితర రూట్లలో ఇండిగో ఈ సదుపాయాన్ని కల్పించింది. టికెట్లు బుక్‌ చేసుకున్న వారు జూన్‌ 1 నుంచి ఆగస్టు 31వ తేదీ మధ్య ప్రయాణించాల్సి ఉంటుంది.
ఇక చెన్నై నుంచి 14 మార్గాలకు ప్రత్యేక ధరలను కూడా ప్రకటించింది. వీటిలో హైదరాబాద్‌కు రూ.1,399, విశాఖపట్నానికి రూ.1,099లకే టికెట్‌ అందించనుంది.