రిలీజై మూడు వారాలైనా బాహుబలి2 మానియా తగ్గడంలేదు. చిన్నా,పెద్దా, ముసలి ముతకతోపాటు, పలువురు రాజకీయ ప్రముఖులు కూడా ఈ సినిమాని చూస్తూ తమ అభిప్రాయాల్ని వెల్లడిస్తున్నారు. తాజాగా టీఆర్ఎస్ నిజామాబాద్ ఎంపి కవిత పొతంగల్ గ్రామస్తులకు బాహుబలి2 సినిమా ప్రత్యేక షో వేయించి చూపించారు.
మాతృదినోత్సవం పురస్కరించుకుని హైదరాబాద్ నుంచి స్పెషల్ గా తెప్పించిన ఈక్విప్‌మెంట్‌తో స్థానిక స్కూల్‌లో పెద్ద తెరపై ఈ సినిమా ప్రదర్శించారు. కవిత కుటుంబ సభ్యులు గ్రామస్తులతో కలిసి సినిమా వీక్షించారు. సినిమా చూడ్డం కోసం మహిళలు ఇళ్లకు తాళాలు వేసి మరీ స్కూలు వద్దకు వచ్చి అంతా కలిసి ఆనందంగా సినిమా సంబరాన్ని జరుపుకున్నారు.