చమురేతర ఆదాయాన్ని పెంచుకునేందుకు ప్రయత్నిస్తున్న సౌదీ అరేబియా... దేశ పౌరుల్లో నిరుద్యోగాన్ని కూడా పారద్రోలాలని ప్రణాళికలు రచిస్తోంది. దీనిలో భాగంగా దేశంలోని కొన్ని రంగాల్లో కేవలం తమ పౌరులకు మాత్రమే ఉద్యోగాలివ్వాలని అధికారులకు అదేశాలు జారీ చేసింది. మోటార్ ఇన్సూరెన్స్ సెక్టార్‌లోని వెహికిల్ క్లెయిమ్ అడ్మినిస్ట్రేషన్‌కు సంబంధించిన ఉద్యోగాలన్నింటిలోనూ సౌదీ పౌరులను నియమించాలంటూ ప్రభుత్వం ఆదేశించింది. దీనిలో భాగంగా దేశంలోని అన్ని బ్రాంచులకు సౌదీ అరేబియన్ మానిటరీ అథారిటీ ఉత్తర్వులు పంపింది. ఇన్సూరెన్స్ క్లెయిమ్స్, రికవరీ, సర్వేయర్స్, కస్టమర్ కేర్స్, ఫిర్యాదులు వంటి వెహికిల్ ఇన్సూరెన్స్‌లోని ఉద్యోగాలను సౌదీ పౌరులతో భర్తీ చేయనున్నారు. జూలై రెండు నుంచి ఈ ఆదేశాలను అమలు చేయాలని ప్రభుత్వం సూచించింది.