అమెరికాలో మరో భారతీయ విద్యార్ధి అనుమానాస్పద స్థితిలో మరణించాడు. కార్నెల్ ఇంజనీరింగ్ కాలేజీలో సీనియర్ ఎలక్ట్రికల్ ఇంజనీరింగ్ చదువుతున్న ఆలాప్ నరసిపురా అనే స్టూడెంట్ ఈనెల 17నుంచి కనిపించకుండా పోయాడు. న్యూయార్క్ లోని ఫాల్ క్రిక్ ప్రాంతంలో ఓ మృతదేహం ఉందన్న సమాచారంతో పోలీసులు అక్కడికిచేరుకొని పరిశీలించగా...అతన్ని నరసిపురగా గుర్తించారు.  బుధవారం వరకు అతన్ని చూశామని తోటి విద్యార్ధులు  అంటున్నారు. నరసిపుర మృతిపై పలు అనుమానాలు వ్యక్తమవుతున్నాయి.  అమెరికాలో ప్రవాస భారతీయులపై   జాత్యహంకార దాడులు పెరుగిపోతున్న నేపధ్యంలో విద్యార్ధి మృతిపై  పలు సందేహాలు వ్యక్తమవుతున్నాయి. స్టూడెంట్ మృతికి సంబంధించిన ఎలాంటి ఆధారాలు లభించలేదన్న పోలీసులు... అతను నివాసం ఉంటున్న ఇంట్లో, కాలేజీలను పరిశీలించారు.