ఫ్రా న్స్‌లో జరుగుతున్న కేన్స్‌ చిత్రోత్సవాల్లో కమల్‌హాసన్‌ నటిస్తున్న ‘మరుదనాయగం’ చిత్రం పోస్టర్లను విడుదల చేశారు. ఈ చిత్రానికి సంబంధించిన ఫొటోలతో కూడిన ఓ పుస్తకాన్ని కేన్స్‌ చిత్రోత్సవాల్లో ఆవిష్కరించారు. గతంలో ప్రారంభమైన ‘మరుదనాయగం’ చిత్రం కొన్ని కారణాలతో నిలిచిపోగా ప్రస్తుతం ఆ పనులను మళ్లీ కొనసాగించడానికి కమల్‌హాసన్‌ చర్యలు తీసుకుంటున్నారు. ఈ చిత్రాన్ని నిర్మించడానికి లైకా సంస్థ ముందుకు వచ్చింది. ఇప్పటికే కేన్స్‌ చిత్రోత్సవాల్లో ‘సంఘమిత్ర’ ఫస్ట్‌లుక్‌ పోస్టర్లను ఆవిష్కరించింది చిత్రబృందం. ఈ చిత్రంలో కమల్‌హాసన్‌ తనయ శ్రుతిహాసన్‌ నటిస్తుంది.