కతర్: ఆసియాకి చెందిన ఓ వ్యక్తి, అక్రమంగా బిజినెస్‌ వీసాల్ని బ్లాక్‌ మార్కెట్‌లో విక్రయిస్తున్న నేరానికి, న్యాయస్థానం అతన్ని దేశం నుంచి బహిష్కరించాల్సిందిగా ఆదేశాలు జారీ చేసింది. అలాగే, 20,000 ఖతారీ రియాల్స్‌ జరీమానా కూడా విధించింది న్యాయస్థానం. బిజినెస్‌ వీసాల్ని అక్రమంగా విక్రయిస్తూ, ఒక్కో వీసాపై 1,000 ఖతారీ రియాల్స్‌ కమిషన్‌ పొందుతున్నట్లు నిందితుడు విచారణలో అంగీకరించడం జరిగింది. ఒక్కో వీసా 20,000 ఖతారీ రియాల్స్‌కి మొత్తం 20 వీసాల్ని విక్రయించాడు నిందితుడు. ఈ కేసులో ముగ్గురు వ్యక్తులపై ఆరోపణల్ని న్యాయస్థానం తిరస్కరించింది. వారికి వ్యతిరేకంగా ఎలాంటి ఆధారాలూ లభించకపోవడంతో ఆ ముగ్గురికీ ఊరట దొరికినట్లయ్యింది.