సుప్రీం కౌన్సిల్‌ మెంబర్‌, అజ్మన్‌ రూలర్‌ షేక్‌ హుమైద్‌ బిన్‌ రషీద్‌ అల్‌ నౌమి, పవిత్ర రమదాన్‌ సందర్భంగా 95 మంది ఖైదీలను క్షమాభిక్షపై విడుదల చేసేందుకు ఆదేశాలు జారీ చేశారు. వివిధ నేరాలకు పాల్పడినందుకుగాను జైలు శిక్ష అనుభవిస్తున్న ఖైదీలు, ఈ క్షమాభిక్షతో తిరిగి సాధారణ జీవితం గడుపుతారనే ఉద్దేశ్యంతో షేక్‌ హుమైద్‌ క్షమాభిక్షను ప్రసాదించడం జరిగింది. అజ్మన్‌ పోలీస్‌ కమాండర్‌ ఇన్‌ చీఫ్‌ మేజర్‌ జనరల్‌ షేక్‌ సుల్తాన్‌ బిన్‌ అబ్దుల్లా అల్‌ నౌమి, ఈ సందర్భంగా షేక్‌ హుమైద్‌కి కృతజ్ఞతలు తెలిపారు. క్షమాభిక్షపై విడుదలయ్యే ఖైదీలు, సమాజంలో భాగమై, సమాజాభివృద్ధికి సహకరించాలని సూచించారు.