హైదరాబాద్: భాగ్యనగరంలోని పలు ప్రాంతాల్లో శనివారం రాత్రి వర్షం కురిసింది. ఖైరతాబాద్, పంజాగుట్ట, లక్డీకాపూల్, బంజారాహిల్స్, జూబ్లీహిల్స్, మెహిదీపట్నం,సికింద్రాబాద్, మారేడ్పల్లి, బోయిన్పల్లి, బేగంపేటలో ఓ మోస్తరు వర్షం కురిసింది. ఎల్బీనగర్లో తేలికపాటి వర్షం కురవడంతో సంబంధిత అధికారులువిద్యుత్తు సరఫరాను నిలిపివేశారు. తెలంగాణలోని పలు జిల్లాల్లో కూడా శనివారం సాయంత్రం వర్షం కురిసింది. భూపాలపల్లిలో ఈదురుగాలులతో కూడిన వర్షం కురవడంతో విద్యుత్తు సరఫరాకు అంతరాయమేర్పడింది. ఎండ వేడిమితో అల్లాడుతున్న ప్రజలకు అకాలవర్షం వూరటనిచ్చింది. .