గల్ఫ్ దేశాల సమాఖ్యకు చెందిన ఒక పౌరుని పట్ల  దురుసుగా ప్రవర్తించడమే కాక ఆ వ్యక్తి పై  దాడికి పాల్పడి గాయపరిచిన నేరానికి ట్రాఫిక్ డైరెక్టరేట్ లో పనిచేస్తున్న ఓ పోలీసు అధికారి పొగరుకు తగిన బహుమతి లభించింది. మూడు సంవత్సరాలపాటు కటకటాల వెనుక ఉండాలంటూ హై క్రిమినల్ కోర్టు సంచలన తీర్పు వెలువరించింది. కోర్టు నివేదిక ప్రకారం,ఈ సంఘటన గత ఏడాది తెల్లవారుజామున 3:30 గంటల సమయంలో మనామ హోటల్ లో జరిగింది, అక్కడ ప్రతివాది  బార్ లో కూర్చొని ఒక బీరును తాగుతున్నాడు. ఆ క్షణాన అక్కడకు వచ్చిన  పోలీసు అధికారికి జిసిసి పౌరుని మధ్య ఒక వివాదం జరిగింది. " మా డబ్బుతో మేము మిమ్మల్ని తీసుకొస్తాం ..అలాగే మిమ్ముల్ని  కొనుగోలు చేస్తాం " అని  గల్ఫ్ దేశాల సమాఖ్యకు చెందిన పౌరుడు తనతో వాదనకు తెర తీసేడని పోలీసు అధికారి న్యాయస్థానానికి తెలిపాడు. అనంతరం జిసిసి వ్యక్తి  కొద్దిసేపటికి టాయిలెట్ లోనికి ప్రవేశించగానే ఆ నిందిత పోలీస్ అధికారి బాధితుడిని అనుసరించాడు. జిసిసి పౌరుడిని గోడ వైపునకు బలంగా నెట్టివేశాడు మరియు ఆ వ్యక్తి  తలపై పిడి గుద్దులు విసరడమే కాక, బాధితుని ముక్కును విరగకొట్టాడు. దీనితో ఆ పోలీస్ ఆధికారిపై కేసు నమోదైంది.ఆ తర్వాత అరెస్టు కాబడిన ఆ పోలీస్ అధికారి తన నేరాన్ని న్యాయస్థానం ముందు అంగీకరించాడు.