*తప్పుగా అనుకోవద్దు*
- June 23, 2017
కళ్ళు మూసుకోలేదు
చెవులు దాచుకోలేదు
ఎందుకో మరి
నువ్వు కనబడలేదు
అసలు వినబడలేదు
అప్పుడెప్పుడో
సాగర తీరంలో ఏరుకున్న గవ్వలు
వాగు ఇసుకలో దొరికిన గులకరాళ్లు
జ్ఞాపకాల పండగ చేస్తున్నపుడో
ఇంకెప్పుడో....
అక్షరాల భావ చిత్రాలను చూస్తూనో
మనసు చెప్పే మూగ భాషను వింటూనో
బహుశా నిన్ను గమనించనే లేదు
చీకటి కానే కాదు
ఉరుములు లేనే లేవు
ఎందుకో మరి
నువ్వు కనబడలేదు
అసలు వినబడలేదు
కళ్ళను ఆకాశంలో విసిరేసి
అనంత విశ్వం చూస్తున్నప్పుడో
చెవులను సంద్రంలో పడేసి
కడలి దుఃఖం వింటున్నప్పుడో
బహుశా నిన్ను గమనించనే లేదు
నేస్తం నిజమే చెప్తున్నా
నమ్మక తప్పదు మరి !!!!?
*పారువెల్ల*
తాజా వార్తలు
- తెలుగు రాష్ట్రాల్లో ముగిసిన నామినేషన్ల ఉపసంహరణ గడువు..
- జైపూర్, నాగ్పూర్, గోవా విమానాశ్రయాలకు బాంబు బెదిరింపులు
- రేవంత్ రెడ్డికి ఢిల్లీ పోలీసుల నోటీసులు
- ఖతార్ లో రేపట్నుంచి భారీ వర్షాలు..!
- ఆన్లైన్ పేమెంట్స్ కు రెంటర్స్ ప్రాధాన్యం..!
- కువైట్ నుంచి తగ్గిన ప్రవాసుల రెమిటెన్స్
- యూఏఈలో ఈ వారం భారీ వర్షాలు..!
- సౌదీలో 10% పెరిగిన పర్యాటకుల సంఖ్య
- 250 గంటలపాటు బురదలోనే.. చివరకు సేఫ్..!
- IPLలో చరిత్ర సృష్టించిన ఎంఎస్ ధోని..