షార్జాలో ఈ ఏడాది తొలి అర్థ భాగంలో రోడ్డు ప్రమాదాలు కొంతవరకు తగ్గినట్లు గణాంకాలు వెల్లడిస్తున్నాయి. గత ఏడాది ఇదే సమయానికి 69 మరణాలు రోడ్డు ప్రమాదాల కారణంగా జరిగితే, ఈ ఏడాది ఆ సంఖ్య 60 గా నమోదయ్యింది. రోడ్‌ సేఫ్టీకి సంబంధించి తీసుకుంటున్న చర్యలు సత్ఫలితాలను ఇస్తున్నాయని అధికారులు తెలిపారు. అయినప్పటికీ కూడా రహదారి భద్రతపై మరింత అవగాహన అవసరమని వారు చెప్పారు. షార్జా పోలీస్‌, డైరెక్టర్‌ ఆఫ్‌ ట్రాఫిక్‌ అండ్‌ పెట్రోల్‌ డిపార్ట్‌మెంట్‌ మేజర్‌ జనరల్‌ అలై అల్‌ నక్బి మాట్లాడుతూ, రోడ్డు ప్రమాదాల్ని నివారించేందుకు అత్యంత వ్యూహాత్మకంగా పలు చర్యలు చేపడుతున్నట్లు తెలిపారు. డిపార్ట్‌మెంట్‌ పరంగా ఎన్ని చర్యలు తీసుకున్నప్పటికీ, వాహనదారుల్లో చైతన్యమే రోడ్డు ప్రమాదాలను తగ్గిస్తుందని, ఆ కారనంగానే అవగాహన కార్యక్రమాల్ని విస్తృతంగా చేపడుతున్నామని ఆయన వివరించారు.