యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, దుబాయ్‌ వ్యాప్తంగా పలు చోట్ల ఆకస్మిక పర్యటనలు జరిపారు. షేక్‌ మొహమ్మద్‌ వెంట ఆయన కుమారుడు, దుబాయ్‌ క్రౌన్‌ ప్రిన్స్‌ షేక్‌ హమదాన్‌ బిన్‌ మొహమ్మద్‌ బిన్‌ రషీద్‌ అల్‌ మక్తౌమ్‌ కూడా ఉన్నారు. దుబాయ్‌ ఇంటర్నేషనల్‌ ఎయిర్‌పోర్ట్‌ టెర్మినల్‌ 3 వద్ద రాయల్‌ ఫ్యామిలీ కనిపించడంతో అక్కడివారంతా ఆశ్చర్యానుభూతులకు లోనయ్యారు. దుబాయ్‌ మీడియా ఆఫీస్‌, ఈ మేరకు ఓ ఫొటోని విడుదల చేసింది. ఇన్‌స్టాగ్రామ్‌లో వీడియోని పోస్ట్‌ చేయడం జరిగింది. దుబాయ్‌ మెట్రోలో కూడా షేక్‌ మొహమ్మద్‌ మరియు షేక్‌ హమదాన్‌ ప్రయాణించారు. కొన్నాళ్ళ క్రితమే మదినాత్‌ జుమైరాలోని దుబాయ్‌ రెస్టారెంట్‌లోనూ షేక్‌ మొహమ్మద్‌ డిన్నర్‌ చేయడం అందర్నీ ఆశ్చర్యానికి గురిచేసింది.