దోహా మెట్రో మొదటి ఫేజ్‌ శరవేగంగా నిర్మితమవుతోందనీ, ఇప్పటికే 60 శాతం పైగా పనులు పూర్తయ్యాయని, షెడ్యూల్‌ ప్రకారమే ఈ ప్రాజెక్ట్‌ పూర్తవుతుందని మేనేజింగ్‌ డైరెక్టర్‌, చీఫ్‌ ఎగ్జిక్యూటివ్‌ ఆఫీసర్‌ అబ్దుల్లా అబ్దుల్‌ అజీజ్‌ అల్‌ సుబైసీద్‌ చెప్పారు. 280 మిలియన్‌ మేన్‌ అవర్స్‌ వర్క్‌ ఇప్పటికే పూర్తయ్యిందన్న అబ్దుల్లా అజీజ్‌, 10 మెట్రో ప్యాకేజీలు తదుపరి ఫేజ్‌ డెవలప్‌మెంట్‌కి అడ్వాన్స్‌ అవుతున్నాయని, 37 స్టేషన్లలో మెకానికల్‌, ఎలక్ట్రికల్‌ మరియు ఆర్కిటెక్చర్‌ ఫిట్‌ ఔట్‌ జరుగుతోందని తెలిపారు. ఖతార్‌ రైల్‌ మరియు మినిస్ట్రీ ఆఫ్‌ ట్రాన్స్‌ పోర్ట్‌ అండ్‌ కమ్యూనికేషన్‌ ఈ ప్రాజెక్టుని అత్యంత ప్రతిష్టాత్మకంగా భావించాయి. సకాలంలో ప్రాజెక్టులు పూర్తయ్యేందుకు వీలుగా తీసుకోవాల్సిన చర్యలపై డెలివరీ ఎలైన్‌మెంట్‌ వర్క్‌షాప్‌ని ఖతార్‌ రైల్వేస్‌ కంపెనీ నిర్వహించింది. ఈ సందర్భంగా మాట్లాడిన అబ్దుల్లా అల్‌ సుబైయీ, పనుల వేగం పట్ల సంతృప్తితో ఉన్నామన్నారు. 52,000 మందికి మెట్రో తొలి ఫేజ్‌ కోసం పనిచేస్తున్నారు.