మనామా: భారత జాతీయుడొకరు, హీట్‌ స్ట్రోక్‌తో రోడ్డు మీద పడిపోయారు. కేరళకు చెందిన మొహమ్మద్‌ హారిస్‌, హీట్‌ స్ట్రోక్‌తో రోడ్డు మీద పడిపోయి, కోమాలోకి వెళ్ళిపోయారు. అపార్ట్‌మెంట్లకు నీటిని డెలివరీ చేసే పనిలో మొహమ్మద్‌ హారిస్‌ పనిచేస్తున్నట్లు తేలింది. ప్రస్తుతం మొహ్మద్‌ సలామియా మెడికల్‌ కాంప్లెక్స్‌లోని ఇంటెన్సివ్‌ కేర్‌ యూనిట్‌లో చికిత్స పొందుతున్నారు. అతని భార్య ఏడు నెలల గర్భవతి కాగా, బాధితుడి తల్లి అనారోగ్యంతో ఆసుపత్రిలో చికిత్స పొందుతున్నారని బషీర్‌ అంబల్లయ్‌ అనే సోషల్‌ వర్కర్‌ తెలిపారు. మొహమ్మద్‌ హారిస్‌ మల్టిపుల్‌ ఆర్గాన్‌ ఫెయిల్‌తో బాధపడుతున్నట్లు సలమానియా మెడికల్‌ కాంప్లెక్స్‌ ఎమర్జన్సీ సెక్షన్‌ చీఫ్‌ రెసిడెంట్‌ డాక్టర్‌ పివి చెరియన్‌ చెప్పారు. ఎండ తీవ్రంగా ఉన్న సమయంలో బయట తిరగడం మంచిది కాదనీ, పనిచేసేవారు చాలా జాగ్రత్తలు తీసుకోవాలని చెరియన్‌ సూచించారు.