ఒమాన్‌లో ఇప్పటివరకూ డ్రైవింగ్ లైసెన్స్ కోసం ఎవరైనా దరఖాస్తు చేసుకోగలిగేవారని, ఇపుడు కొన్ని ఆంక్షలు విధించి, డ్రైవింగ్ లైసెన్స్ నిబంధనలు మరింత కఠినతరం చేయడానికై మానవ వనరుల మంత్రిత్వ శాఖతో సంప్రదింపులు జరుపుతున్నాట్టు రాయల్ ఒమాన్ పోలీస్ ఉన్నతాధికారి ఒకరు వెల్లడించారు. డ్రైవింగ్ లైసెన్స్ పొందడానికి ఎవరు అర్హులో, ఎవరిని నిరాకరిస్తారో తెలుప నిరాకరించినప్పటికీ, గృహిణులకు లైసెన్సులను నిరాకరిస్తారనే అంశాన్ని ఆయన వదంతులుగా కొట్టి పారేశారు. ఇది చాలా హర్షణీయమని స్థానికులు స్వాగతిస్తుండగా,  600 ఒమాన్ రియాళ్ల జీతం పొందే ప్రవాసీయులకు మాత్రమే లైసెన్సులివ్వాలని మరికొందరు సలహా ఇస్తున్నారు. ఏమైనా, ఒమాన్‌లో అక్రమ టాక్సీ సర్వీసులను అరికట్టడానికి ఇది మంచి మార్గమని సర్వత్రా హర్షం వ్యక్తమౌతోంది.