మిష్రెఫ్‌లోని ఓ షాప్‌లో పేలుడు సంభవించిన ఘటనలో ఏడుగురు గాయపడ్డారు. రాత్రి 8.20 నిమిషాల సమయంలో ఈ పేలుడు సంభవించినట్లు కువైట్‌ ఫైర్‌ సర్వీసెస్‌ డైరెక్టరేట్‌ (కెఎఫ్‌ఎస్‌డి) ఓ ప్రకటనలో పేర్కొంది. ఎల్‌పీజీ గ్యాస్‌ లీకేజ్‌ కారణంగా పేలుడు సంభవించినట్లు ప్రాథమికంగా నిర్ధారించారు. గాయపడ్డవారిలో ముగ్గురికి ఇంటెన్సివ్‌ కేర్‌ యూనిట్‌లో చికిత్స అందిస్తున్నారు. మిగతా నలుగురికి చిన్నపాటి గాయాలయ్యాయి. పేస్ట్రీ షాప్‌ పాక్షికంగా ఈ ఘటనలో ధ్వంసమయ్యింది.