రోడ్లపై స్ట్రంట్‌ డ్రైవింగ్‌ చేస్తున్న వ్యక్తిని షార్జా సెంట్రల్‌ రీజియన్‌లో పోలీసులు అదుపులోకి తీసుకున్నారు. నిందితుడ్ని 22 ఏళ్ల గల్ఫ్‌ జాతీయుడిగా గుర్తించారు. నెంబర్‌ ప్లేట్‌ కన్పించకుండా కవర్‌ చేసిన నిందితుడు, తన వాహనాన్ని ప్రమాదకరంగా రోడ్లపై నడుపుతూ, ఇతరుల ప్రాణాలకు ప్రమాదకారిగా వ్యవహరించినట్లు పోలీసులు వెల్లడించారు. నిందితుడ్ని పబ్లిక్‌ ప్రాసిక్యూషన్‌కి అప్పగించడం జరిగింది. వాహనదారులు, ముఖ్యంగా యువత వాహనాలు నడిపేటప్పుడు అప్రమత్తంగా ఉండాలని, ట్రాఫిక్‌ నిబంధనల్ని పాటించాలని కల్నల్‌ బిన్‌ దర్వాష్‌ చెప్పారు.