శేఖర్ కమ్ముల దర్శకత్వంలో వచ్చిన 'ఫిదా' ప్రేక్షకులతో పాటు ప్రముఖుల ప్రశంశలను కూడా సొంతం చేసుకుంది.  అన్ని వర్గాల ప్రేక్షకుల్నీ ఆకట్టుకుంది.  అమెరికా అబ్బాయి, తెలంగాణా అమ్మాయి నేపథ్యంలో సాగిన 'ఫిదా' చిత్రంలో హీరోయిన్ సాయి పల్లవి తల్లిగా 'పెళ్ళి చూపులు' డైరక్టర్ తరుణ్ భాస్కర్ తల్లి గీతా భాస్కర్ నటించింది.  తనకు ఇది తొలి సినిమానే అయినా దర్శకుడు ఆమెలోని నటిని బయటకు తీసుకు వచ్చారు.  చాలా పరిణతితో నటించి మెప్పించారు గీతా.  తల్లి పాత్రని చూసి మురిసిపోయాడు తనయుడు తరుణ్ భాస్కర్.  ఫిదా హిట్ అవడంతో అమ్మకి మరిన్ని అవకాశాలు వచ్చి బిజీ అయిపోతుందేమో అని సంతోషం వ్యక్తం చేస్తున్నాడు తరుణ్.