దుబాయ్‌ రూలర్‌, వైస్‌ ప్రెసిడెంట్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, క్రౌన్‌ ప్రిన్స్‌ ఆఫ్‌ దుబాయ్‌, డిప్యూటీ సుప్రీమ్‌ కమాండర్‌ ఆఫ్‌ ది యూఏఈ ఆర్మ్‌డ్‌ ఫోర్సెస్‌ షేక్‌ మొహమ్మద్‌ బిన్‌ జాయెద్‌ అల్‌ నహ్యాన్‌తో సమావేశమయ్యారు. ఈ సమావేశం సందర్భంగా, జాతీయ అలాగే రీజినల్‌ అంశాలపై చర్చించారు. రాజకీయ, ఆర్థిక, సామాజిక అంశాలు ఈ సందర్భంగా చర్చకు వచ్చాయి. రీజియన్‌లో శాంతి అలాగే ఇతరత్రా అంశాలు చర్చకు వచ్చినట్లు అధికారిక వర్గాలు వెల్లడించాయి. ఈ సమావేశానికి డిప్యూటీ ప్రైమ్‌ మినిస్టర్‌, మినిస్టర్‌ ఆఫ్‌ ది ఇంటీరియర్‌ లెఫ్టినెంట్‌ జనరల్‌ సైఫ్‌ బిన్‌ జాయెద్‌ అల్‌ నహ్యాన్‌, నేషనల్‌ సెక్యూరిటీ అడ్వైజర్‌ షేక్‌ తహ్‌నౌమ్‌ బిన్‌ జాయెద్‌ అల్‌ నహ్యాన్‌ సహా పలువురు ప్రముఖులు హాజరయ్యారు.