అధునాతన పరిజ్ఞానం, సరికొత్త హంగులతో ఎస్‌వీసీ సినిమాస్‌ ఆధ్వర్యంలో సిద్ధమైన నటరాజ్‌ థియేటర్‌ ఆదివారం పునఃప్రారంభమైంది. ప్రముఖ నిర్మాత దిల్‌ రాజు, దర్శకుడు బోయపాటి శ్రీనివాస్‌, హీరో శ్రీనివాస్‌, జేసీ నారాయణరెడ్డితో కలిసి థియేటర్‌ను ప్రారంభించారు. అనంతరం థియేటర్‌లో 'జయ జానకి నాయక' చిత్ర ట్రైలర్‌ను అభిమానులతో కలిసి వీక్షించారు. సినీ ప్రముఖులను చూసేందుకు థియేటర్‌ వద్దకు అధిక సంఖ్యలో తరలివచ్చారు. కార్యక్రమంలో నిర్మాతలు శిరీష్‌, లక్ష్మణ్‌, చిలకల గోవర్ధన్‌ పాల్గొన్నారు.