చిరంజీవి 151వ చిత్రం 'సైరా నరసింహారెడ్డి' సందడి మొదలైపోయింది. చిరు పుట్టిన రోజు సందర్భంగా మోషన్‌ పోస్టర్‌ విడుదల చేశారు. మరోవైపు నటీనటులు, సాంకేతిక నిపుణులెవరన్నది తేలిపోయింది. ఇప్పుడు ఆ జాబితాలో మరో పేరు చేరింది. ఆయనే.. టోనీ చింగ్‌. హాంకాంగ్‌లో యాక్షన్‌ కొరియోగ్రాఫర్‌గా టోనీకి మంచి పేరుంది. హాలీవుడ్‌లో పలు చిత్రాలకు పనిచేశారాయన.
బాలీవుడ్‌లో 'క్రిష్‌ 3'కి పోరాటాలు కంపోజ్‌ చేశారు. ఇప్పుడు 'సైరా' కోసం టాలీవుడ్‌లో అడుగుపెడుతున్నారు. 'సైరా నరసింహారెడ్డి'లో పోరాట ఘట్టాలకు అందులోనూ యుద్ధ సన్నివేశాలకు ప్రాధాన్యం ఉంది. వాటిని అంతర్జాతీయ స్థాయిలో తీర్చిదిద్దాలని చిత్రబృందం భావిస్తోంది.