తెలుగు రాష్ట్రాల్లో రేపు ఎల్లుండి భారీగా వర్షాలు కురిసే అవకాశం ఉందని హైదరాబాద్‌లోని వాతావరణ శాఖ అధికారులు తెలిపారు. వాయువ్య బంగాళాఖాతంలో ఉపరితల ఆవర్తనం ఏర్పడిందని, అలాగే ఆంధ్రప్రదేశ్ రాష్ట్రం మీదుగా మరో ఉపరితల ఆవర్తనం ఏర్పడిందని తెలిపారు. అయితే... ఆ ఉపరితల ఆవర్తనం అల్పపీడనంగా మారే అవకాశం ఉందని తెలిపారు. దీని ప్రభావం వల్ల కోస్తా ప్రాంతంలో భారీ వర్షాలు పడే అవకాశం ఉందని తెలిపారు. అలాగే మిగిలిన ప్రాంతాల్లో మోస్తారు వర్షాలు కురిసే అవకాశం ఉందని వాతావరణ శాఖ అధికారులు తెలిపారు.