ఉద్యోగం లేదా వర్క్‌ నిమిత్తం గల్ఫ్‌ దేశాలకు వెళుతోన్న భారతీయుల్లో ఎక్కువమందికి యూఏఈ గ్రేట్‌ డెస్టినేషన్‌గా కన్పిస్తోంది. 2017కి సంబంధించి తొలి ఆరు నెలల డేటాని విశ్లేషిస్తే, ఎక్కువ ఇమ్మిగ్రేషన్‌ క్లియరెన్స్‌లు యూఏఈ వైపే ఉన్నాయి. యూఏఈ వాటా ఈ లిస్ట్‌లో 40.6 శాతంగా ఉంది. 74,778 మంది భారతీయులు యూఏఈ ఇమ్మిగ్రేషన్‌ పొందారు. సౌదీ అరేబియాకి కేవలం 18 శాతం మంది మాత్రమే మొగ్గు చూపారు. ఒమన్‌ మూడో స్థానంలో నిలిచింది 16.5 శాతంతో. బీహార్‌, ఉత్తరప్రదేశ్‌ నుంచి వచ్చినవారి సంఖ్య అత్యధికంగా ఉంది. గల్ఫ్‌లో ఎక్కువమంది వాటా కలిగిన కేరళ టాప్‌ స్లాట్‌ యూఏఈకి సంబంధించి పొందలేకపోయింది. కేరళ నుంచి క్రమక్రమంగా విత్‌డ్రా కనిపిస్తుండగా, ఆ స్థానాన్ని యూపీ, బీహార్‌ భర్తీ చేస్తున్నాయి.