ప్రపంచంలోనే తొలి అండర్‌ వాటర్‌ లగ్జరీ వెస్సెల్‌ రిసార్ట్‌, దుబాయ్‌లో నిర్మితం కానుంది. క్లెండియెన్స్‌ట్‌ గ్రూప్‌ ఈ ప్రాజెక్టుని కోస్ట్‌ నుంచి నాలుగు కిలోమీటర్ల దూరంలో నిర్మించనుంది. దుబాయ్‌కి చెందిన క్లెండియెన్స్‌ట్‌ గ్రూప్‌ రియల్‌ ఎస్టేట్‌ మరియు ప్రోపర్టీ డెవలపర్‌గా పేరు ప్రఖ్యాతులు సంపాదించుకుంది. మొత్తం 2.49 బిలియన్‌ దిర్హామ్‌ల ఖర్చుతో ఈ ఫ్లోటింగ్‌ లగ్జరీ రిసార్ట్‌ని నిర్మించబోతున్నారు. 3000 మంది అతిథులకి ప్రత్యేకమైన అనుభూతిని మిగిల్చేలా దీన్ని రూపొందిస్తారు. హిస్టారిక్‌ వాటర్‌ సిటీ ద్వారా ఇన్‌స్పైర్‌ అయి ఈ లగ్జరీ ఫ్లోటింగ్‌ రిసార్ట్‌కి రూపకల్పన చేస్తున్నారు. అత్యాధునిక హంగులు ఈ రిసార్ట్‌లో ఏర్పాటు చేయనున్నారు.