మనామా: బహ్రెయిన్‌, మిడిల్‌ ఈస్ట్‌ రీజియన్‌లో గ్లోబల్‌ ఫుడ్‌ సెక్యూరిటీ ఇండెక్స్‌లో 6వ స్థానం దక్కించుకుంది. ప్రపంచ వ్యాప్తంగా లెక్కల్ని పరిగణనలోకి తీసుకుంటే బహ్రెయిన్‌ 37వ స్థానంలో నిలబడింది. గ్లోబల్‌ ఫుడ్‌ సెక్యూరిటీ ఇండెక్స్‌ పేరుతో నిర్వహించిన సర్వేలో ఈ వివరాలు వెల్లడయ్యాయి. రీజియన్‌లో తొలి స్థానం కువైట్‌కి దక్కగా, ఒమన్‌ రెండో స్థానంలో, ఖతార్‌ మూడో స్థానంలో నిలిచాయి. సౌదీ అరేబియా 4, అరబ్‌ ఎమిరేట్స్‌ 5వ స్థానంలో ఉన్నాయి. ఐర్లాండ్‌కి ప్రపంచ వ్యాప్తంగా ఫుడ్‌ సెక్యూరిటీ విభాగంలో తొలి స్థానం దక్కింది. ఎఫర్డబిలిటీ, ఎవైలబిలిటీ, క్వాలిటీ వంటి విభాగాల్లో మొత్తం 113 దేశాలకు సంబంధించి ఈ సర్వే నిర్వహించారు. ప్రత్యేక పరిస్థితుల నేపథ్యంలో జిసిసి దేశాల్ని ప్రత్యేకంగా పరిగణించి ఈ లెక్కలు తీశారు.