'హిందీ మీడియం' లో వెంకటేష్
- October 08, 2017హైదరాబాద్: కథానాయకుడు వెంకటేశ్ 'గురు' చిత్రంతో ఇటీవల ప్రేక్షకుల ముందుకొచ్చారు. 'సాలా ఖడూస్'కు రీమేక్గా తెరకెక్కించిన ఈ చిత్రంలో ఆయన బాక్సర్గా కనిపించారు. ఇప్పుడు వెంకటేశ్ మరో రీమేక్లో నటించే అవకాశాలు ఉన్నట్లు తెలుస్తోంది. ఇర్ఫాన్ఖాన్ కీలక పాత్రలో నటించిన చిత్రం 'హిందీ మీడియం'. ఇది కమర్షియల్గా మంచి హిట్ అందుకుంది. దీన్ని తెలుగులో రీమేక్ చేయడానికి దర్శకురాలు నందినిరెడ్డి సన్నాహాలు చేస్తున్నట్లు సమాచారం. వెంకటేశ్ను ఇర్ఫాన్ పాత్రకు అనుకుంటున్నట్లు తెలుస్తోంది. వెంకీ ఇది వరకు 'ఈనాడు', 'గోపాల గోపాల', 'గురు', 'మసాలా', 'దృశ్యం' వంటి పలు రీమేక్ చిత్రాల్లో నటించారు.
రూ.12 కోట్లతో తెరకెక్కించిన 'హిందీ మీడియం' దాదాపు రూ.102 కోట్లు వసూలు చేసింది. తమ బిడ్డను ఎలాగైనా ఇంగ్లిష్ మీడియం స్కూల్లో చదివించాలని భావించే తల్లిదండ్రులకు ఎదురైన సంఘటనలు, వారు వాటిని ఎదుర్కొన్న తీరును దర్శకుడు సాకేత్ చౌదరి వినోదంతోపాటు భావోద్వేగాన్ని జోడించి చూపించారు.
తాజా వార్తలు
- 30 ఎయిర్బస్ విమానాలు ఆర్డర్ చేసిన ఇండిగో
- JEE మెయిన్ రిజల్ట్స్ విడుదల..
- రేపు హైదారాబాద్ లో ఉపరాష్ట్రపతి పర్యటన..
- ఐఫోన్ యూజర్ల కోసం వాట్సాప్ పాస్కీ సపోర్టు వచ్చేసింది..
- అమెరికా రిపోర్టును తిరస్కరించిన భారత్
- రిజర్వేషన్లు రద్దుకోసం మోదీ ప్రయత్నం చేస్తున్నారు: సీఎం రేవంత్
- నామినేషన్ దాఖలు చేసిన సీఎం జగన్
- మే 14 నుంచి సౌదీ-యూకే ఎక్స్పో
- ‘క్షమాపణ డిక్రీ’పై మానవ హక్కుల సంఘాల ప్రశంసలు
- కీలక దశలోకి యూఏఈ-ఒమన్ రైల్వేలైన్..!