దుబాయ్: పెట్రోల్‌ పంప్‌కి దగ్గర్లో ఓ కారు తగలబడిపోతుండడాన్ని గమనించిన ఓ వ్యక్తి తన ఎస్‌యూవీతో కాలుతున్న ఆ కారుని దూరంగా నెట్టివేశాడు. పెట్రోల్‌ పంప్‌కి సేఫ్‌ డిస్టెన్స్‌ వరకూ అలా తోసుకుంటూ వెళ్ళిన ఆ వ్యక్తి, చాకచక్యంగా తన కారుని రివర్స్‌ చేయగలిగాడు. అయితే అప్పటికే అతని ఎస్‌యూవీకి కొంత మేర మంటలు వ్యాపించాయి. అదృష్టవశాత్తూ ఆ మంటల్ని ఆర్పివేయడం జరిగింది. మామూలుగా అయితే ఇలాంటి ఘటనలు జరిగినప్పుడు మనకెందుకులే అన్న భావన అందరిలో ఉంటుంది. ముందుగా తమని తాము రక్షించుకోవడానికి చూస్తారెవరైనా. పెట్రోల్‌ పంప్‌కి అగ్ని ప్రమాదం జరుగుతుందేమోనన్న ఆలోచనతో ఆ ఎస్‌యూవీ నడుపుతున్న వ్యక్తి, ప్రాణాల్ని సైతం పణంగా పెట్టడం పట్ల పలువురు హర్షం వ్యక్తం చేస్తున్నారు. ఈ వీడియో సోషల్‌ మీడియాలో వైరల్‌గా మారింది. ఆ వ్యక్తి ఎవరన్నది ఇంకా తెలియరాలేదు.