యమా స్పీడుగా సినిమాలు చేస్తున్న నందమూరి బాలకృష్ణ, ప్రస్తుతం తన 102వ సినిమాను పూర్తి చేసే పనిలో ఉన్నాడు. తమిళ స్టార్ డైరెక్టర్ కేయస్ రవికుమార్ దర్శకత్వంలో తెరకెక్కుతున్న ఈ సినిమాకు జయసింహా, కర్ణ అనే టైటిల్స్ పరిశీలనలో ఉన్నాయన్న టాక్ వినిపిస్తోంది. మాస్ కమర్షియల్ ఎంటర్ టైనర్ గా తెరకెక్కుతున్న ఈ సినిమాలో నయనతార హీరోయిన్ గా నటిస్తోంది.

మరో గ్లామరస్ రోల్ తో నటాషా దోషి తెలుగు తెరకు పరిచయం అవుతోంది. తాజాగా బాలయ్యకు జోడిగా మరో హీరోయిన్ ను ఫైనల్ చేశారన్న టాక్ వినిపిస్తోంది. తెలుగులో స్టార్ ఇమేజ్ కోసం ఎదురుచూస్తున్న రెజీనా బాలయ్య సినిమాలో మరో హీరోయిన్ గా నటిస్తోందట. ప్రస్తుతానికి చిత్రయూనిట్ అధికారికంగా ప్రకటించకపోయినా.. బాలయ్య 102వ సినిమాలో రెజీనా కనిపించటం ఖాయంగా కనిపిస్తోంది.