మెగా హీరో సాయిధరమ్‌ తేజ్‌ ఆదివారం పుట్టినరోజు జరుపుకుంటున్నారు. ఈ సందర్భంగా ఆయన కొత్త చిత్రం పోస్టర్‌ను విడుదల చేశారు. 'జవాన్‌' చిత్రం తర్వాత సాయిధరమ్‌.. వి.వి. వినాయక్‌ దర్శకత్వంలో నటిస్తున్న సంగతి తెలిసిందే. సి.కె.ఎంటర్‌టైన్‌మెంట్స్‌ పతాకంపై సి. కళ్యాణ్‌ నిర్మిస్తున్నారు. ఎస్‌.ఎస్‌. తమన్‌ స్వరాలు అందిస్తున్నారు. ఇంకా ఈ చిత్రం టైటిల్‌ను ఖరారు చేయలేదు. సాయిధరమ్‌ జన్మదినం సందర్భంగా ఆదివారం ఈ చిత్రం తొలి పోస్టర్‌ను విడుదల చేశారు. ఇందులో మెగా హీరో కుర్చీలో కూర్చొని, చేతిలో గన్‌ పెట్టుకుని డాన్‌లా కనిపించారు.

ఇదే సందర్భంగా మరో చిత్రం 'జవాన్‌'లోని తొలి పాటను విడుదల చేశారు. దీన్ని సాయిధరమ్‌ ట్విటర్‌ ద్వారా అభిమానులతో పంచుకున్నారు. సినిమాలోని అన్ని పాటల్లో ఇది తనకు చాలా ఇష్టమైనదని తెలిపారు. కేకే పవర్‌ఫుల్‌ సాహిత్యం అందించారని అన్నారు. తమన్‌ అద్భుతమైన స్వరాలు సమకూర్చారని ట్వీట్‌ చేశారు.