పాకిస్థాన్ ప్రభుత్వం జమాత్ ఉద్ దవ(జేయూడీ )చీఫ్ హఫీజ్ సయీద్ పై టెర్రరిజం అభియోగాలను ఉఫసంహరించుకుంది. ఈ మేరకు పంజాబ్ ప్రావిన్స్ ప్రభుత్వం పాకిస్థాన్ సుప్రీం కోర్టు రివ్యూ బోర్డుకు ఈ రోజు తెలియజేసింది. ముంబై ఉగ్రదాడుల సూత్రధారి హఫీజ్ సయీద్ ను ఉగ్ర వాద అభియోగాలపై గత కొంత కాలంగా పాకిస్థాన్ ప్రభుత్వం గృహ నిర్బంధంలో ఉంచిన సంగతి తెలిసిందే. నేడు ఆ అభియోగాలను ఉపసంహరించుకోవడంతో హఫీజ్ సయీద్ గృహ నిర్బంధం నుంచి విముక్తుడు కావడానికి మార్గం సుగమమైంది.