తెలంగాణ నిరుద్యోగులకు శుభవార్త. ఇండియన్ ఆర్మీలో చేరాలనుకునే వారికి సువర్ణవకాశం. ఇండియన్ ఆర్మీ ఆధ్వర్యంలో వచ్చే నెల ఒకటి నుంచి పదో తేదీ వరకు కరీంనగర్ జిల్లా కేంద్రంగా 31 జిల్లాల అభ్యర్థులకు ఆర్మీ రిక్రూట్ మెంట్‌ర్యాలీ నిర్వహిస్తున్నారు. అంబేద్కర్ స్టేడియంలో ఎంపిక ప్రక్రియ నిర్వహించనున్నారు. సోల్జర్ టెక్నికల్, సోల్జర్ జనరల్ డ్యూటీ, సోల్జర్ ట్రేడ్స్‌మన్, సోల్జర్ క్లర్క్, స్టోర్ కీపర్ టెక్నికల్ విభాగాల్లో అభ్యర్థులను ఎంపిక చేయనున్నారు. ఆసక్తి కలిగిన అభ్యర్థులు ఈ నెల 16 వరకూ ఆన్‌లైన్‌లో దరఖాస్తు చేసుకోవాలని సూచిస్తున్నారు. దరఖాస్తుల ప్రక్రియ పూర్తయిన తర్వాత 16 నుంచి అడ్మిట్ కార్డులు డౌన్‌లోడ్ చేసుకోవాల్సి ఉంటుంది. ర్యాలీకి వచ్చే సమయంలో ఈ అడ్మిట్ కార్డులను తప్పకుండా తీసుకురావాల్సి ఉంటుంది.