షార్జా ఎకనమిక్‌ డెవలప్‌మెంట్‌ డిపార్ట్‌మెంట్‌, 10,000కి పైగా ఫేక్‌ షూస్‌ని సీజ్‌ చేయడం జరిగింది. వీటి విలువ 2,004,780 దిర్హామ్స్‌ ఉంటుందని అంచనా. ఎస్‌ఇడిడి - కమర్షియల్‌ కంట్రోల్‌ అండ్‌ ప్రొటెక్షన్‌ డిపార్ట్‌మెంట్‌ డిప్యూటీ డైరెక్టర్‌ సలీమ్‌ అల్‌ సువైది మాట్లాడుతూ, 100,539 ఫేక్‌ ప్రోడక్ట్స్‌ని వివిధ షాపుల నుంచి స్వాధీనం చేసుకున్నట్లు తెలిపారు. ఎస్‌ఇడిడి కమర్షియల్‌ ఫ్రాడ్‌ డివిజన్‌ హెడ్‌ ముహన్నాద్‌ రజబ్‌ మాట్లాడుతూ, ఏడాది పొడవునా తనిఖీలు జరుగుతుంటాయనీ, అక్రమార్కుల్ని వదిలిపెట్టేది లేదని చెప్పారు. నిబంధనల్ని ఉల్లంఘించేవారికి సంబంధించిన సమాచారాన్ని 80080000కి తెలియజేయాలని ఆయన సూచించారు. అడిదాస్‌ సంస్థ, యూఏఈ చేపట్టిన ఈ చర్యల పట్ల హర్షం వ్యక్తం చేసింది.