మస్కట్‌: అక్టోబర్‌ 22 నుంచి 28 మధ్యలో మినిస్ట్రీ ఆఫ్‌ మ్యాన్‌ పవర్‌ - జాయింట్‌ ఇన్‌స్పెక్షన్‌ టీమ్‌ నిర్వహించిన తనిఖీల్లో లేబర్‌ చట్టాన్ని ఉల్లంఘించిన 817 మందిని అరెస్ట్‌ చేసినట్లు అధికారిక గణాంకాలు వెల్లడిస్తున్నాయి. ఇందులో 688 కమర్షియల్‌ వర్కర్లు, 55 మంది ఫామ్‌ వర్కర్లు, 74 మంది హౌస్‌మెయిడ్స్‌ ఉన్నారు. 811 మంది అబ్‌స్కాండింగ్‌ వర్కర్స్‌ని కూడా ఇన్‌స్పెక్షన్స్‌ టీమ్‌ గుర్తించింది. మస్కట్‌ గవర్నరేట్‌ పరిధిలో 487 మంది, నార్త్‌ బతినాలో 170 మంది ఉల్లంఘనుల్ని అరెస్ట్‌ చేశారు అధికారులు. మినిస్ట్రీ ఆఫ్‌ మ్యాన్‌ పవర్‌ అవసరమైన లీగల్‌ చర్యల్ని ఉల్లంఘనులపై తీసుకుంటోంది. 564 మంది వలస కార్మికుల్ని ఉల్లంఘనల నేపథ్యంలో డిపోట్‌ చేసినట్లు గణాంకాలు చెబుతున్నాయి.