మస్కట్‌: పోలీసు వేషధారణలో వెళ్ళి, దొంగతనాలకు పాల్పడుతున్న ముగ్గురు వ్యక్తుల్ని అరెస&్ట చేశారు. సలాలా పరిధిలో ఈ ఘటన చోటు చేసుకుంది. దోఫార్‌ పోలీస్‌ కమాండ్‌ - డైరెక్టరేట్‌ జనరల్‌ అండ్‌ క్రిమినల్‌ ఇన్వెస్టిగేషన్స్‌ ఈ విషయాన్ని ధృవీకరించింది. రాయల్‌ ఒమన్‌ పోలీస్‌ ఉన్నతాధికారి ఒకరు ఈ విషయంపై మాట్లాడుతూ, ముగ్గురు వ్యక్తులు పోలీసులమని చెబుతూ ఓ అపార్ట్‌మెంట్‌లోకి చొరబడ్డారనీ, అక్కడివారిని బెదిరించి వారి నుంచి ఖరీదైన మొబైల్‌ ఫోన్లు, పెద్ద మొత్తంలో డబ్బులు తీసుకుని, అక్కడి నుంచి ఉడాయించారని చెప్పారు. సమాచారం అందుకున్న వెంటనే రంగంలోకి దిగిన పోలీస్‌ టీమ్స్‌, ఇద్దరు వ్యక్తుల్ని సలాలాలో అరెస్ట్‌ చేయగా, మూడో వ్యక్తిని మస్కట్‌లో అరెస్ట్‌ చేశామని చెప్పారు. తదుపరి విచారణ నిమిత్తం పబ్లిక్‌ ప్రాసిక్యూషన్‌కి నిందితుల్ని రిఫర్‌ చేశారు.