అజమ్మన్‌ సివిల్‌ డిఫెన్స్‌, 20 ఏళ్ళ ఎమిరేటీ యువకుడ్ని రోడ్డు ప్రమాదం నుంచి రక్షించడం జరిగింది. ఎమిరేటీ యువకుడు ప్రయాణిస్తున్న ఎస్‌యూవీ రోడ్డు ప్రమాదానికి గురైంది. ఓ భారీ ట్రక్‌, ఎస్‌యూవీ ఢీ కొనడంతో ఈ ప్రమాదం జరిగినట్లు ప్రత్యక్ష సాక్షులు వెల్లడించారు. ఈ ప్రమాదం కారణంగా ఎస్‌యూవీ డోర్‌ స్ట్రక్‌ అయిపోయింది. సంఘటనా స్థలానికి చేరుకున్న సివిల్‌ డిఫెన్స్‌ రెస్క్యూ టీమ్‌ తీవ్రంగా శ్రమించి, ఎమిరేటీ యువకుడ్ని బయటకు తీసుకువచ్చారు. గాయపడ్డ ఎమిరేటీ యువకుడ్ని ఖలీఫా హాస్పిటల్‌కి తరలించారు. విపత్కర పరిస్థితుల్లో సివిల్‌ డిఫెన్స్‌ టీమ్‌ చాకచక్యంగా వ్యవహరించినట్లు అధికారులు తెలిపారు.