ఇదొక ఆత్మీయ కలయిక. ఒక వైపు ఏషియాన్ సదస్సు, మరోవైపు దానికొచ్చిన మిగతా దేశాధినేతలతో పలకరింపులు, డిన్నర్ మీటింగులు! ఫిలిప్పైన్స్ టూర్ లో ప్రధాని మోదీ బిజీ షెడ్యూల్ తో సతమతమవుతున్నారు. అయినా కాసింత తీరిక చేసుకుని మనీలాలోని 'మహావీర్ ఫిలిప్పైన్ ఫౌండేషన్'కి వెళ్లారు మోదీ.
అక్కడున్న అనేక మంది వికలాంగుల్ని పరామర్శించారు. కార్లో మిగెల్ అనే తొమ్మిదేళ్ల కుర్రాడినయితే ప్రత్యేకంగా దగ్గరకు తీసుకుని.. ముద్దాడారు. అతడి మోకాళ్ళ కింద అమర్చిన 'జైపూర్' కృత్రిమ కాలు ఎలా పనిచేస్తుందో అడిగి తెలుసుకున్నాడు. 
''ఒక కాలు లేకపోతేనేం.. పెద్దయ్యాక ఈ జైపూర్ కాలుతోనే పోలీస్ నవుతా'' అంటూ ఆ పిల్లాడు చెప్పిన మాటల్ని విని మురిసిపోయారు మన ప్రధాని మోది! ఈరోజే నా 'బుల్లి ఫ్రెండ్'ని కలిశా.. వాడు పోలీసవుతాడట.. అంటూ ట్విట్టర్ లో పోస్ట్ కూడా పెట్టారు.