హీరో శివబాలాజీకి పవర్ స్టార్ పవన్ కళ్యాణ్ అంటే చెప్పలేనంత అభిమానం. ఆ అభిమానాన్ని సందర్భం వచ్చినప్పుడల్లా వ్యక్తపరుస్తుంటాడు. కాటమ రాయుడు షూటింగ్‌లో పవన్‌కి జనసేన ఖడ్గం బహుకరించి పవన్ మనసుని మరోసారి గెలుచుకున్నాడు. అయితే ఈ బిగ్ బాస్ విన్నర్ నటించి, నిర్మించిన చిత్రం స్నేహమేరా జీవితం. ఈ సినిమా ఈ నెల 17న విడుదల కానుంది. ఈ నేపథ్యంలో సినిమా హిట్ కావాలంటూ పవన్ అభిమానులు శివకు మద్దతు పలుకుతున్నారు. సినిమా పోస్టర్‌కు హారతులిస్తున్నారు. దీనిపై స్పందించిన శివ ఇంతటి అభిమానాన్ని చూరగొన్నందుకు ఆనందంతో ఆనంద భాష్పాలు వచ్చాయని, ఇది ఎన్నో జన్మల పుణ్యఫలం అంటూ.. మీకు సదా రుణపడి ఉంటానని ట్వీట్ చేశాడు.