విశాఖలో జగపతిబాబు సందడి చేశారు. సాగరతీరంలో నడుస్తూ అందరినీ ఆశ్చర్యానికి గురి చేశారు. విశాఖ కాళీమాత గుడి దగ్గర నుంచి కొంత దూరం నడుచుకుంటూ వెళ్లారు. ఒక్కసారిగా జగపతిబాబు రోడ్డు మీదికి రావడంతో అభిమానులు షాకయ్యారు. జగపతిబాబుతో సెల్ఫీలు తీసుకోవడానికి అభిమానులు ఎగబడ్డారు. అయితే.. జగపతిబాబు రోడ్డుపైకి ఇలా ఎందుకు వచ్చారు...బహిరంగంగా రోడ్డుపై ఎందుకు నడిచారు...అనే దానిపై స్పష్టత లేదు. కొత్త సినిమా ప్రమోషన్‌లో భాగంగా అలా నడిచారా లేక మరేదన్నా కారణముందా అనే దానిపై అభిమానులు చర్చించుకుంటున్నారు. రెండు.. మూడు రోజుల్లో ప్రెస్‌మీట్‌ పెట్టి ఈ వాక్‌ వెనుక ఉన్నఅసలు కారణాలను వివరిస్తారని జగపతిబాబు సన్నిహితులు చెబుతున్నారు.