సౌదీ అరేబియా: ముస్లిమ్‌ల పుణ్యక్షేత్రాలైన మక్కా, మదీనాల ఫోటోలు, వీడియోలు తీయడాన్ని నిషేధిస్తూ సౌదీఅరేబియా సర్కారు సంచలన ఉత్తర్వులు జారీ చేసింది. ఇస్లాం ప్రకారం పుణ్యక్షేత్రాలైన మక్కా మదీనాల ఫోటోలు, వీడియోలు తీయడాన్ని నిషేధిస్తున్నట్లు సౌదీ సర్కారు తాజాగా ప్రకటించింది. మక్కాలోని కాబా గృహంతోపాటు మదీనాలో ఈ-నబవీ మసీదు ఫోటోలు, వీడియోలను మీడియాతో సహా ఎవరూ తీయరాదని సౌదీ సర్కారు జారీ చేసిన ఉత్తర్వుల్లో పేర్కొంది. పుణ్యక్షేత్రాలైన మక్కా, మదీనాలను సందర్శిస్తున్న భక్తులకు అసౌకర్యంగా కలగకుండా ఈ నిషేధాన్ని విధించారు. ఈ నిషేధాన్ని ఉల్లంఘిస్తే వారిపై న్యాయపరంగా చర్యలు తీసుకోవడంతోపాటు వారి కెమెరాలను సీజ్ చేస్తామని సర్కారు హెచ్చరించింది.