దుబాయ్‌ అటార్నీ జనరల్‌ ఎస్సామ్‌ ఐసా అల్‌ హుమైదాన్‌, ఎనిమిదేళ్ళ చిన్నారి ఒబైదా హత్య కేసులో దోషికి న్యాయస్థానం విధించిన మరణ శిక్షను అమలు చేసినట్లు ప్రకటించారు. 50 ఏళ్ళ జోర్డానియన్‌ నిదాల్‌ ఐసా అబ్దుల్లా, 8 ఏళ్ళ ఒబైదా ఇబ్రహీమ్‌ సిద్గి అబ్దుల్‌ హాదిని ఆ చిన్నారి తండ్రి పనిచేసే వర్క్‌ షాప్‌ నుంచి కిడ్నాప్‌ చేసి, అత్యాచారం జరిపి, హతమార్చాడు. ఈ ఘటనలో నిదాల్‌ ఐసాని దోషిగా న్యాయస్థానం నిర్ధారించి, మరణ శిక్ష విధించింది. ఆ మరణ శిక్షను విషయమై నిదాల్‌ షా, అప్పీల్‌ చేసినా, క్షమాభిక్షకు నిరాకరించింది న్యాయస్థానం. దాంతో మరణ శిక్షను అమలు చేశారు.