కువైట్ :  26 ఏళ్ళ క్రితం నాటి ఓ ఇరాకీ మందుపాతరపై ఎనిమిదేళ్ల బాలిక చూసుకోకుండా కాలు మోపడంతో అది ఒక్కసారిగా పేలడంతో  ఆమె తీవ్రంగా గాయపడింది. అత్యవసర ఫోన్ పిలుపునకు ప్రతిస్పందనగా ప్రమాదస్థలానికి  చేరుకున్న పారామెడిక్స్ సిబ్బంది ఆ పాపను ఫర్వాణీయ ఆసుపత్రికి హుటాహుటిన తరలించారు. ప్రస్తుతం ఆ బాలిక పరిస్థితి విషమంగానే ఉన్నట్లు వైద్యులు పేర్కొంటున్నారు. కాగా  1990/91 ప్రాంతంలో ఇరాక్ దండయాత్ర నాటి మందుపాతర అని ఒక పరిశోధనలో వెల్లడైనట్లు పోలీసులు పేర్కొంటున్నారు.