అజ్ఞాతవాసి ఆడియో కు గెస్ట్ గా విచ్చేయనున్న తారక్
- December 14, 2017సినిమా ఇండస్ట్రీ లో ఒకప్పుడు విబేధాలు ఎలా ఉండేవో కొత్తగా గుర్తు చేసుకోనవసరం లేదు. బయట ఫ్యాన్స్ మధ్యలోనే కాదు, సినిమాల్లో కూడా ఒకళ్ళ కుటుంబం గురించి ఇంకొకళ్ళు కామెంట్లు బహిరంగంగా చేసుకుంటూ పోయేవారు. కాని , ఆ ట్రెండ్ ఈ మధ్యన కాస్త మారినట్టే కనిపిస్తోంది. గత నాలుగు అయిదు సంవత్సరాలుగా అందరి ఫంక్షన్ లకు అందరూ రావడం , యువ హీరోలు అందరూ వీకెండ్ పార్టీలకు హాజరు అవ్వడం ఒక కొత్త ట్రెండ్ గా మారిపోయింది.
అయితే ఇప్పుడు ఆ ట్రెండ్ మరో మలుపు తిరుగుతోందా , అంటే అవుననే సమాధానం వినిపిస్తోంది. కొణిదెల - నందమూరి. ఈ ఇరువురి మధ్య మాటలు ఎప్పుడు ఎలా ఉంటాయో ఎవ్వరికి కొత్త కాదు. అలాగే , సినిమాల్లో కూడా ఒకళ్ళ సినిమాల్లో ఇంకొకళ్ళు కలిసి పని చేయడం అనేది ఇప్పటివరకు జరగలేదు. అలాంటిది మొట్ట మొదటి సారిగా ఎవ్వరూ ఊహించని విధంగా ఒక నందమూరి హీరో కొణిదెల వారి ఫంక్షన్ కు అతిధి గా రాబోతున్నారు. అతనెవరో కాదు , యంగ్ టైగర్ NTR.
త్రివిక్రమ్ దర్శకత్వంలో పవన్ కళ్యాణ్ నటించిన అజ్ఞాతవాసి సినిమా ఆడియో ఫంక్షన్ వేదికగా ఈ విషయం బయటికి వచ్చింది. గతంలో చిరంజీవి ప్రజా రాజ్యం పార్టీ పెట్టినప్పుడు ఎన్టీఆర్ చిరంజీవి ని బహిరంగగానే విమర్శించారు. అలాగే అదే పార్టీ ప్రచారంలో పవన్ కళ్యాణ్ చంద్రబాబు పైన ఎన్టీఆర్ పైన బాగానే విసుర్లు విసిరారు. ఇప్పుడు రోజులు మారాయేమో, లేదా త్రివిక్రమ్ మాయో తెలియదు. మొన్న ఈ మధ్యనే ఎన్టీఆర్ తో త్రివిక్రమ్ తీస్తున్న సినిమాకి క్లాప్ ఇవ్వడానికి పవన్ కళ్యాన్ వచ్చేసాడు. ఇప్పుడు కూడా అందుకు కృతఘ్నతగా యంగ్ టైగర్ ఎన్టీఆర్ అజ్ఞాతవాసి ఆడియో రిలీజ్ కి రావాలని త్రివిక్రమ్ డిమాండ్ చేసినట్టు, దానికి అనుగుణంగా ఎన్టీఆర్ కూడా సరే అన్నట్టు సమాచారం. మొత్తానికి ఎంతో కాలంగా అందరూ ఎదురుచూస్తున్న కలయిక ఇప్పుడు నిజం కాబోతున్నది అన్నమాట.
ఇదే నిజంగా జరిగితే ఫ్యాన్స్ కు నిజంగా పండగే.
తాజా వార్తలు
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం
- CBSE పాఠశాలలు ఓపెన్-బుక్ పరీక్షలను నిర్వహిస్తాయా?
- స్లోవాక్ ప్రధానిపై హత్యాయత్నం.. తీవ్రంగా ఖండించిన ఖతార్