ఈ విద్యా సంవత్సరంలో (2015-16) మెట్రిక్‌ అనంతర ఉపకార వేతనాల కోసం ఇప్పటి వరకు దరఖాస్తు చేసుకోని ఎస్సీ, ఎస్టీ, బీసీ, ఈబీసీ విద్యార్థులు ఈనెల 25 లోగా ఈ పాస్‌ద్వారా దరఖాస్తు చేసుకోవాలని సాంఘిక సంక్షేమశాఖ జాయింట్‌ డైరెక్టర్‌ ఆర్‌.మల్లికార్జునరావు ఒక ప్రకటనలో పేర్కొన్నారు. కళాశాలల యాజమాన్యం, విద్యార్థులతో నిర్ధేశించిన తేదీల్లో దరఖాస్తు చేయించాలని సూచించారు. ఉపకార వేతనాలు మంజూరు కోసం శాఖల వద్ద తగిన నిధులు ఉన్నాయని పేర్కొన్నారు. నిర్ధేశించిన తేదీల్లోగా దరఖాస్తులు పంపాలని సూచించారు. దరఖాస్తులు www.epass.cgg.gov.in వెబ్‌సైట్‌ ద్వారా పంపాలని సూచించారు.