రక్త చరిత్ర సినిమాతో తెలుగు ప్రేక్షకుల ముందుకు వచ్చిన వివేక్ ఒబెరాయ్..ఆ తర్వాత పలు చిత్రాల్లో కనిపించి అలరించాడు. తాజాగా చరణ్ సినిమాలో విలన్ గా కనిపించబోతున్నాడని వినికిడి. ప్రస్తుతం రామ్ చరణ్ సుకుమార్ దర్శకత్వం లో రంగస్థలం మూవీ లో నటిస్తున్నాడు. ఈ చిత్ర షూటింగ్ చివరి దశకు చేరుకుంది. ఇది పూర్తి కాగానే మాస్ డైరెక్టర్ బోయపాటి శ్రీను దర్శకత్వం లో ఓ సినిమా చేయబోతున్నాడు. జనవరి , లేదా ఫిబ్రవరి లో ఈ మూవీ సెట్స్ పైకి వెళ్లనుంది.

కాగా ప్రస్తుతం స్క్రిప్ట్ పనులు తో పాటు నటి నటుల ఎంపిక చేసే పనిలో బిజీ గా ఉన్నాడు బోయపాటి. అయితే ఈ యాక్షన్ మూవీ లో విలన్ గా బాలీవుడ్ నటుడు వివేక్ ఒబెరాయ్ ను ఎంపిక చేసినట్లు సమాచారం. ఇప్పటికే ఆయనకుకథ వినిపించడం , అయన నటించడానికి ఒకే చెప్పడం జరిగిందని తెలుస్తుంది. ఈ చిత్రంలో శివగామి రమ్యకృష్ణ కూడా ఓ కీలక పాత్ర పోషిస్తుందని సమాచారం. పవన్ కళ్యాణ్.. అల్లు అర్జున్ ల సరసన నటించిన అను ఇమ్మాన్యుయెల్ హీరోయిన్ గా నటించబోతుంది. ఈ చిత్రాన్ని డీవీవీ దానయ్య నిర్మించబోతున్నాడు.