న్యూ ఇయర్ సెలబ్రేషన్స్ ను పురస్కరించుకుని ఈ మాసాంతంలో బెంగుళూరులోని మాన్యత టెక్ పార్క్ లో 'సన్నీ లియోన్ నైట్స్' పేరిట నిర్వహించే ఫంక్షన్ కు అనుమతి లేదని నగర సీపీ టి.సునీల్ కుమార్ తెలిపారు. సన్నీ లియోన్ గతంలో కేరళ వెళ్ళినప్పుడు ఆమె అభిమానులు తోసుకువచ్చి..వాహనాలను అడ్డుకున్నారని, ఉద్రిక్త పరిస్థితులను సృష్టించారని ఆయన గుర్తు చేశారు.

బెంగుళూరులో ఎలాంటి వినోద కార్యక్రమాల నిర్వహణకు ఇప్పటివరకు పర్మిషన్ ఇవ్వలేదన్నారు. తమ అనుమతి లేకుండా సన్నీ నైట్స్ పేరిట ఎంటర్ టైన్ మెంట్ ప్రోగ్రాం నిర్వహిస్తే కఠిన చర్యలు తీసుకుంటామని ఆయన హెచ్చరించారు. దీంతో సన్నీ అభిమానులు దిగాలు చెందుతున్నారు.