హైదరాబాద్: హైదరాబాద్‌లో న్యూఇయర్ వేడుకలపై పోలీసులు ఆంక్షలు విధించారు. రాత్రి 8 గంటల నుంచి ఒంటి గంట వరకే వేడుకలు జరుపుకోవాలన్నారు. రిసార్ట్స్ లో అక్రమ కార్యకలాపాలను ప్రోత్సహించవద్దన్న పోలీసులు...డ్రగ్స్‌, హుక్కాపై ప్రత్యేక నిఘా ఏర్పాటు చేశామన్నారు. ఎలాంటి కార్యక్రమానికైనా అనుమతి తప్పనిసరి అని సూచించిన పోలీసులు ..న్యూఇయర్ పార్టీల్లోకి ఆహ్వానం ఉంటేనే అనుమతించాలని చెప్పారు. భారీ బాణాసంచా కాల్చడంపై నిషేధం విధించారు.