మస్కట్‌: ఒమన్‌ కొత్త ఇంటర్నేషనల్‌ ఎయిర్‌పోర్ట్‌ ప్రారంభానికి సంబందించి కీలకమైన ముందడుగు వేసింది. తొలి ట్రయల్‌ ప్యాసింజర్‌ విమానాన్ని ఉదయం 11.15 నిమిషాలకు కొత్త మస్కట్‌ ఇంటర్నేషనల్‌ ఎయిర్‌పోర్ట్‌ నుంచి టేకాఫ్‌ చేయడం జరిగింది. ఒమన్‌ ఎయిర్‌ విమానం డబ్ల్యు వై 2001, ఎయిర్‌పోర్ట్‌ రన్‌ వే నుంచి పైకెగిరింది. ఈ అనుభూతి చాలా కొత్తగా ఉందని ఎయిర్‌పోర్ట్‌ గ్రౌండ్‌ స్టాఫ్‌ ఒకరు చెప్పారు. ఈ ఆనందాన్ని మాటల్లో చెప్పలేమంటూ క్రూ మెంబర్స్‌ వివరించారు. కొత్త ప్యాసింజర్‌ టెర్మినల్‌ని ఒమన్‌ పబ్లిక్‌ అథారిటీ ఫర్‌ సివిల్‌ ఏవియేషన్‌ సిఇఓ డాక్టర్‌ మొహమ్మద్‌ బిన్‌ నాజర్‌ అల్‌ జాబి ప్రారంభించారు. తొలి విమానానికి హఫెజ్‌ అల్‌ ఖట్టారి పైలట్‌గా వ్యవహరించారు. సివిల్‌ ఏవియేషన్‌ సెక్టార్‌కి చెందిన పలువురు ప్రముఖులు, స్పెషలిస్ట్‌లు, మీడియా రిప్రెజెంటేటివ్స్‌ ఈ కార్యక్రమానికి హాజరయ్యారు.