బుల్లి తెరపై యాంకర్ గా ఫేమస్ అయిన "అనసూయ" వెండి తెరపై అడుగు పెట్టింది. "సోగ్గాడే చిన్ని నాయన" సినిమాలో నాగ్ మరదలిగా ఆడిపాడిన అనసూయ.. "క్షణం" సినిమాలో విలనిజం ఉన్న పోలీస్ ఆఫీసర్ గా నటించి మెప్పించింది.. ఇటీవల ఐటెమ్ సాంగ్స్ లో కూడా ఆడిపాడుతున్న అనసూయ.. రామ్ చరణ్ తాజా సినిమా రంగస్థలంలో ఓ కీలక పాత్రలో నటిస్తుంది. ఈ సినిమా కు సంబంధించిన అప్ డేట్స్ ను ఎప్పటికప్పుడు అభిమానులతో పంచుకొంటున్న అనసూయ.. తాజాగా తన కుమారుడితో కలిసి రామ్ చరణ్ తో సెల్ఫీ దిగింది.. ఆ ఫోటోని తన సోషల్ మీడియాలో పోస్ట్ చేసి.. అద్భుతమైన వ్యక్తి.. రామ్ చరణ్ తో సెల్ఫీ దిగిన ఫోటో మీతో పంచుకుంటున్నా.. ఈ ఫోటో.. రంగస్థలం సినిమాలో సెట్స్ పై.. ఓ అద్భుతమైన సన్నివేశం తెరకెక్కించాక దిగిన సెల్ఫీ అని కామెంట్ కూడా ఆ ఫోటోకి జతచేసింది. అంతేకాదు.. ఆ సన్నివేశం ఏమిటో సినిమా రిలీజ్ అయ్యేవరకూ ఎదురు చూడండి.. చరణ్ మనల్ని గర్వ పడేలా చేస్తాడు అని ట్వీట్ చేసింది.. సుకుమార్ దర్శకత్వంలో 1985 లో వాతావరణం ప్రతిబింబిస్తూ.. తెరకెక్కిస్తున్న గ్రామీణ నేపథ్య ప్రేమ కథా చిత్రం రంగస్థలం.. చరణ్ తో తొలిసారిగా సమంత జోడీ కట్టగా.. దేవిశ్రీ ప్రసాద్ సంగీతం అందిస్తున్నాడు.