నిత్యం ఏదో ఒక వివాదాస్పద వ్యాఖ్యతో వార్తల్లో నిలిచే దర్శకుడు రాంగోపాల్ వర్మ న్యూ ఇయర్ సందర్బంగా కొన్ని ఆసక్తికర వ్యాఖ్యలు చేసారు. న్యూ ఇయర్ గ్రీటింగ్స్ చెప్పుకోవడం ఒకవిధమైన టైం వేస్ట్ ప్రక్రియేనని, ఉచితంగా మెసేజ్‌లు పెట్టి "హ్యాపీ  న్యూ ఇయర్" అంటూ చెప్పుకోవడంకన్నా చేతిలో ఒక విలువైన బహుమతి లేదా డబ్బు పెట్టి గ్రీటింగ్స్ చెప్పుకోవడం మంచిదన్నారు. ఇతరుల శ్రేయస్సును కోరే వారే అయితే ఉచిత మెసేజ్‌లను మాని ఇలా చేయాలని సూచించాడు.  

వర్మ వ్యాఖ్యలకు సింగర్ గీత మాధురి ఘాటు రిప్లై ఇచ్చారు. నవ్వుతూ బతకడంలో ఖర్చు లేదని, తన వరకు అయితే ప్రతి రోజూ ప్రత్యేకమైనదేనని పేర్కొంది. న్యూ ఇయర్ విషెస్ చెప్పడమంటే ఎదుటి వారిని ప్రోత్సహించడమేనని, ఆలా చెప్పడంతో వారిలో ఆత్మవిశ్వాసం పెరుగుతుందని అన్నారు. ఇలా కాకుండా డబ్బుతోనో, బహుమతులతోనో వారిని తృప్తి పరిచినప్పుడు ఇది తర్వాత ప్రతికూలంగా మారె అవకాశముందని తెలిపారు.