బాలీవుడ్ బయోపిక్ హవా టాలీవుడ్‌కి కూడా పాకింది. ఆమధ్య నందమూరి తారకరామారావు బయోపిక్‌ని తెరకెక్కించాలని ప్రయత్నాలు జరిగాయి. ముగ్గురు దర్శకులు తెరకెక్కించాలని పోటీ పడుతున్నట్లు తెలిసిందే. ఇప్పుడు తాజాగా వైఎస్‌ఆర్ బయోపిక్‌ని తెరపైకి ఎక్కించ బోతున్నట్లు సమాచారం. అయితే ఈ పాత్రకి మలయాళ సూపర్ స్టార్ మమ్ముట్టిని తీసుకోవాలని చిత్ర యూనిట్ భావిస్తోంది. ఆనందో బ్రహ్మ చిత్రంతో సక్సెస్ సాధించిన దర్శకుడు మహి రాఘవ ఈ చిత్రానికి దర్శకత్వం వహించబోతున్నాడని సమాచారం. ఇక వైఎస్‌ఆర్ తనయుడు జగన్ కూడా ఈ చిత్రం సెట్స్‌పైకి వెళ్లడానికి గ్రీన్ సిగ్నల్ ఇచ్చారట. ఇప్పుడు ఈ వార్త ప్రస్తుతం తెలుగు రాష్ట్రాల్లో హాట్ టాపిక్‌గా మారింది.